ایک سوال ….دس جواب

ڈاکٹر رﺅف پاریکھ
۔۔۔۔۔۔۔

”تم دیر سے کیوں آئے ہو؟پورے بیس منٹ لیٹ!“
”سر! میں دسویں منزل کی کھڑکی سے گر گیا تھا۔“
”جھوٹ مت بولو،دس منزلیں گرنے میں بیس منٹ نہیں لگتے۔“
”سر! میری نانی کا انتقال ہو گیا تھا۔“
”اچھا،آئندہ خیال رکھنا،دوبارہ ایسا نہیں ہونا چاہیے۔“
”تم دیر سے کیوں آئے ہو؟“
”سر! بس نہیں مل رہی تھی۔“
اسی لئے کہتا ہوں کہ دفتر جانے کے لئے رات ہی سے چیزیں ڈھونڈ لیا کرو۔“
”تم دیر سے کیوں آئے ہو؟“
”سر! آج میری منگنی تھی۔“
”دفتر سے باہر ہونے والے حادثات کی کمپنی ذمے دار نہیں۔“
”تم دیر سے کیوں آئے ہو؟“
”سر! صبح آنکھ نہیں کھلی۔“
”اسی لئے کہتا ہوں کہ آنکھیں کھلی رکھا کرو۔“
”تم دیر سے کیوں آئے ہو؟“
”سر! میں سیڑھیوں پر سے پھسل گیا تھا۔“
”اس قسم کے ذاتی کام دفتری اوقات کے بعد کیا کرو۔“
”تم دیر سے کیوں آئے ہو؟“
”سر! میری طبیعت خراب تھی۔“
”کمپنی قواعد و ضوابط کے مطابق تمہیں اس کی اطلاع دو روز پہلے دینی چاہیے تھی۔“
”تم دیر سے کیوں آئے ہو؟“
”سر! میں جھاڑو لگا رہا تھا۔“
”یہ کام تو دفتر میں بھی ہوسکتا تھا۔“
”تم دیر سے کیوں آئے ہو؟“
”سر! میں ساس سے چھٹکارا پانے کی ترکیبیں سوچ رہا تھا۔“
”تم مجھے رشوت دینا چاہ رہے ہو۔“
”تم دیر سے کیوں آئے ہو؟“
”سر! میں بے ہوش ہو گیا تھا۔“
”اسی لئے کہتا ہوں کہ ہوش میں رہا کرو۔“