یحییٰ بھائی
کلیم چغتائی
۔۔۔۔۔
یحییٰ ہیں تصویرِ متانت
کرتے ہیں یہ سب کی خدمت
کھانے سے پہلے بسم اللہ
پڑھ لینا ہے ان کی عادت
ان کا طریقہ ہے یہ عموماً
مغرب میں کرتے ہیں عبادت
کوشش یہ کرتے ہیں اکثر
مما بابا کی ہو طاعت
ادب سے یہ باتیں کرتے ہیں
بڑوں کی یہ کرتے ہیں عزت
پیار بہت ہے چھوٹی بہن سے
ویسے سب ہی سے ہے محبت
چیز اٹھائیں جب بھی کسی کی
پہلے لے لیتے ہیں اجازت
میٹھے میں ہے سب سے زیادہ
گاجر کے حلوے سے رغبت
آسانی سے پڑھ لیتے ہیں
آساں ہو گر کوئی عبارت
کوئی کھلونا توڑ کے ، کوشش
کرتے ہیں، ہو جائے مرمت !
ویسے تو اچھے بچے ہیں
کبھی کبھی کرتے ہیں شرارت
گر یہ شرارت بڑھ جاتی ہے
پھر ان کی بنتی ہے درگت
Facebook Comments