حمد
خواجہ عابد نظامی
۔۔۔۔۔۔۔۔۔
| رسول خدا نے بتائی یہ بات |
| کہ اللہ کی سب سے اعلیٰ ہے ذات |
| ہر اک شے ہے اس کی بنائی ہوئی |
| ہے دنیا اسی کی بسائی ہوئی |
| وہ دیتا ہے روزی بدونیک کو |
| یونہی پالتا ہے وہ ہر ایک کو |
| اسی نے جہاں سارے پیدا کیے |
| مکاں،لامکاں سارے پیدا کیے |
| چمن میں کھلاتا ہے غنچے وہی |
| اُگاتا ہے پھل پھول پودے وہی |
| اسی سے ہیں پربت پہ شادابیاں |
| اسی سے ہیں وادی میں رعنائیاں |
| زمیں،چاند،سورج،ستارے تمام |
| یہ جو کچھ ہے،سب ہے اسی کا نظام |
| اسی نے بنائے ہیں انسان و جن |
| وہی رات کے بعد لاتا ہے دن |
| دلوں کا اجالا اسی کی ہے ذات |
| بیاں کیا کرے کوئی اس کی صفات |
| اسی نے ہیں بھیجے جہاں میں نبی |
| کہ جن سے بشر کو ہدایت ملی |
| ہمارے محمد علیہ السلام |
| نبی آخری اس کے ہیں لاکلام |
| جو رحمت ہیں سارے جہاں کے لیے |
| جو زینت ہیں اس گلستاں کے لیے |
Facebook Comments