سبب کچھ اورہے تو جس کو خود سمجھتا ہے

سبب کچھ اورہے تو جس کو خود سمجھتا ہے
زوال بندۂ مومن کا بے زری سے نہیں ہے
اگر جہاں  میں  مرا  جوہر  آشکار  ہوا
قلندری سے ہوا ہے تونگری سے نہیں

…………..

اے دور حاضر کے مسلم!تجھے اپنے زوال کا سبب خوب معلوم ہے۔ تیرا زوال مال و دولت کی کمی کی وجہ سے نہیں ہے۔ تجھے یہ معلوم ہے پھر بھی ہر طریقے سے دولت کو حاصل کرنے کی کوششیں کررہا ہے۔ مجھے (اقبال) دیکھو کہ دنیا میں عزت و احترام کا مقام کیسے ملا؟ مجھے شہرت و ناموری کیسے حاصل ہوئی؟ اس کا سبب دولت نہیں بلکہ حقیقت تو یہ ہے کہ میرے پاس دولت تھی ہی نہیں۔یہ سب کچھ مجھے اللہ سے لو لگانے، درویشی اور عاجزی اختیار کرنے کے صلے میں ملا ہے۔تو اے مسلم! تو اپنی حقیقت کو پہچان اور اپنی اصل کی طرف لوٹ، دنیا تیرے پیچھے چلے گی۔