نہیں ہے نا امید اقبال اپنی کشت ویراں سے

نہیں ہے نا امید اقبال اپنی کشت ویراں سے
ذرا نم ہو تو یہ مٹی بہت زرخیز ہے ساقی!

۔۔۔۔۔۔۔۔۔۔۔۔۔۔۔۔

اگر زمین زرخیز ہو اور اس پر فصل اگانے کے لیے محنت نہ کی جاے تو وہ بنجر ہو جاتی ہے۔ اس کا یہ مطلب نہیں ہوتا کہ وہ زمین فصل اگانے کے قابل نہیں ہے ۔ اگر کسان تھوڑی محنت کر کے اپنے کھیت کو سینچے اور فصل کی آبیاری کرے تو بہت عمدہ فصل پک کر تیار ہو سکتی ہے۔ علامہ اقبال مسلمان قوم کو یہی پیغام دے رہے ہیں کہ بظاہر بنجر زمین کی طرح مسلمانوں کی حالت بھی اچھی نہیں لیکن قوم کو مایوس نہ ہونا چاہیے کیوں کہ یہ قوم زمین کی طرح زرخیز ہے۔یعنی اس قوم میں قابلیت کے جوہر موجود ہیں ۔ بس حالات ذرا اچھے ہو جائیں اور اس نسل کی آبیاری کا کام ہوجاے تو یہ قوم ترقی کے درجے پر پہنچ جاے گی اور ایسی فصل تیار ہوگی جس سے پورا کھیت لہلہانے لگے گا ۔ 
ساتھیو! تعلیم کے ذریعے اپنی صلاحیت کو ابھاریے اور اپنے ملک کی اس زرخیز زمین کو ہری بھری فصل سے بھر دیں۔