skip to Main Content

نبی ہمارے ، نبی ہمارے

صوفی غلام مصطفیٰ تبسّم 

نبی    ہمارے   ،    نبی     ہمارے 

وہ  حق  کی  باتیں   بتانے   والے 

وہ   سیدھا  رستہ  دکھانے  والے 

وہ      راہبر    ،    راہنما     ہمارے 

نبی    ہمارے   ،    نبی     ہمارے 

دُرُود   اُن   پر   ،   سلام   اُن   پر 

بلند ،   نبیوں   میں   نام   اُن   کا 

فلک   سے   اُونچا   مقام   اُن  کا 

ہمارے    ہادی  ،  خُدا  کے   پیارے 

نبی    ہمارے   ،    نبی     ہمارے 

دُرُود   اُن   پر   ،   سلام   اُن   پر 

اُنھی  کی  خاطر  دمک  رہے  ہیں 

اُنھی کے دم سے  چمک رہے ہیں 

زمیں  کے  ذرے  ،  فلک  کے تارے 

نبی    ہمارے   ،    نبی     ہمارے 

دُرُود   اُن   پر   ،   سلام   اُن   پر 

اُنھی  کی  سرکار  کے  گدا  ہیں 

اُنھی  کے  دربار   کے   گدا   ہیں 

جہاں  کے   یہ   تاج   دار   سارے 

نبی    ہمارے   ،    نبی     ہمارے 

دُرُود   اُن   پر   ،   سلام   اُن   پر 

Facebook Comments
error: Content is protected !!
Back To Top