skip to Main Content

بلیوں کا ہسپتال

عبدالقادر

۔۔۔۔۔۔۔۔۔۔۔۔۔۔۔۔

لیتے نہیں ہیں فیس، نہ زَر کا سوال ہے
بیمار   بلیوں   کا   یہی   ہسپتال     ہے
سو   نرس   بلیاں   ہیں، کئی بلے   ڈاکٹر
                      عمدہ   ہیں اور نفیس یہاں سارے  کاؤنٹر
شفاف   اور   صاف  سدا   ملتا ہے   واٹر   سردی سے مچاتے ہیں یہاں درجنوں ہیٹر 
پہنچے  تمہیں   تکلیف   یہاں کیا مجال ہے
بیمار   بلیوں   کا   یہی   ہسپتال     ہے
ڈینگی   بخار   نے   تمہیں   لاچار کر دیا                       تحفے   میں   مچھروں سے ملا ہے ملیریا
کوؤں نے ٹھونگے مار کے زخمی تمہیں کیا   یا گرم گرم دودھ نے   منہ   کو جلا دیا
آفات   کی   یلغار   سے جینا  محال  ہے
بیمار   بلیوں   کا   یہی   ہسپتال     ہے
شوگر کی شکایت ہے یا خارش ہے بدن پر                        یا  ٹانگ   کی   ہڈی میں ہوا کوئی فریکچر
دیوار   سے   ہوجائے   اگر   زور کی ٹکر   روزانہ   کئی   بار  تمہیں آتے ہیں چکر
دور   ہوگا  بہت جلد جو تم پر وبال ہے
بیمار   بلیوں   کا   یہی   ہسپتال     ہے
چوہوں   کو ہڑپ کرتے ہی بیمار ہوئیں تم                        کتوں نے تمہیں گھیر کے کاٹی ہے اگر دُم
نیولے   سے راستے   میں ہوا کوئی تصادم   یا   خواب پریشاں نے تمہیں کر دیا گم سم
کس   تیر   کا   شکار ہو، کیسا ملال ہے
بیمار   بلیوں   کا   یہی   ہسپتال     ہے
زخمی   تمہیں   کر جائے   اگر   باؤلا بندر                        یا  کاٹ کے بھاگے کوئی زہریلی   چھچھوندر
جب ہونے لگے درد تمہیں پیٹ  کے اندر   آنکھوں   سے  چھلکتا رہے آنسو کا سمندر
تشریف   یہاں لا کے کہو کیسا حال ہے
بیمار   بلیوں   کا   یہی   ہسپتال     ہے
لنگور   کی   بھپکی   سے لرزنے   لگا   سینہ                        بہنے   لگا   سیلاب   کی     مانند     پسینہ
خوبی   سے   ادا   کرتے ہیں ہم اپنا فریضہ   خوش ہو کے چلی جاتی ہے ہر ایک مریضہ
ہر   ڈاکٹر   کو   آپ  کا پورا   خیال ہے
بیمار   بلیوں   کا   یہی   ہسپتال     ہے

*۔۔۔*

Facebook Comments
error: Content is protected !!
Back To Top