skip to Main Content

پرندے کی فریاد

علامہ محمّداقبال 

آتا     ہے     ياد     مجھ    کو    گزرا     ہوا    زمانا 

وہ     باغ     کی     بہاريں        وہ سب کا چہچہانا  

آزادياں    کہاں   وہ    اب    اپنے    گھونسلے کی 

اپنی  خوشی   سے  آنا  اپنی  خوشی  سے جانا 

لگتی  ہے  چوٹ   دل   پر ، آتا  ہے  ياد  جس  دم 

شبنم    کے    آنسوئوں  پر   کليوں   کا  مسکرانا 

وہ  پياری  پياری  صورت ،  وہ  کامنی   سی مورت 

آباد    جس    کے   دم   سے    تھا   ميرا  آشيانا 

آتی  نہيں   صدائيں  اس  کی  مرے  قفس   ميں 

ہوتی   مری  رہائی   اے  کاش   ميرے  بس   ميں 

کيا  بد  نصيب  ہوں   ميں  گھر  کو   ترس  رہا  ہوں 

ساتھی تو  ہيں وطن  ميں ، ميں  قيد  ميں پڑا ہوں 

آئی  بہار  کلياں    پھولوں   کي   ہنس  رہی   ہيں 

ميں  اس اندھيرے گھر  ميں قسمت کو رو رہا  ہوں 

اس   قيد  کا   الہی  !   دکھڑا    کسے    سنائوں 

ڈر ہے يہيں قفسں ميں ميں غم سے مر نہ جائوں 

جب  سے  چمن  چھٹا  ہے  ، يہ  حال ہو گيا  ہے 

دل غم کو  کھا  رہا  ہے، غم  دل  کو  کھا رہا  ہے 

گانا  اسے  سمجھ  کر خوش ہوں نہ سننے والے 

دکھے   ہوئے    دلوں  کی   فرياد   يہ   صدا   ہے 

آزاد   مجھ   کو   کر  دے ،  او   قيد  کرنے   والے 

ميں  بے زباں  ہوں  قيدی، تو  چھوڑ  کر  دعا  لے 

Facebook Comments
error: Content is protected !!
Back To Top